किरात आवाज 
किरात धर्म दर्शनदाता, महान् समाज सुधारक तथा राष्ट्रिय विभूति महागुरु फाल्गुनन्द लिङ्देनको १४२औँ जन्मजयन्तीको अवसरमा बुधबारदेखि इलामको माङसेबुङमा तेस्रो संस्करणको महागुरु फाल्गुनन्द कप फुटबल प्रतियोगितामा काका एफसी
माङसेबुङ-५ स्थित आत्मानन्द रङ्शालामा सुरु भएको उद्घाटन खेलमा काका एफसीले विजयी सुरुआत गरेको छ । सिङफेरे युथ क्लबलाई १-० गोलको अन्तरमा पराजित गर्दै काका एफसी विजयी बनेको हो । खेलमा विजयी काका एफसीका ओसन राई उत्कृष्ट खेलाडी घोषित भए ।
Advertisement
प्रतियोगिता अन्तर्गत बिहीबार आयोजक युथ अफ माङसेबुङ र ठिङ्गेपुर युथ क्लबबीच प्रतिष्पर्धा हुनेछ ।
युथ अफ माङसेबुङको आयोजनामा सुरु भएको प्रतियोगितामा आठ टिमको सहभागिता रहेको छ । प्रतियोगिताको फाइनल खेल कात्तिक २४ गते हुनेछ। प्रतियोगिताको विजेता टोलीले नगद ५० हजार १४२ रुपैयाँसहित ट्रफी, मेडल र प्रमाणपत्र प्राप्त गर्नेछ भने उपविजेता टोलीले नगद २५ हजार १४२ रुपैयाँसहित ट्रफी, मेडल र प्रमाणपत्र पाउनेछ । यसका अतिरिक्त विभिन्न विधागत पुरस्कारसमेत प्रदान गरिने आयोजकले जनाएको छ ।
